Panairi i dytë profesional Neranxi 2010
January 27, 2010

KOMPANIA NERANXI SJELL RISINË E NJE PANAIRI PRIVAT TË SPECIALIZUAR

Panairi i parë profesional Neranxi 2009

“Më të mirët e Europës tek “Neranxi”. Ky është sllogani i panairit të lëndëve ushqimore, makinerive dhe atrecaturave që kompania “Neranxi” zhvillon nga 29 shkurti deri me 2 mars 2009 në ambientet e saj. Një ide që është dhënë nga një specialist italian pasticerie dhe që është përkrahur menjëherë nga dy drejtuesit e kësaj kompanie. Një eksperiencë e re për biznesin shqiptar, detajet e të cilit do na i spjegojë vetë menaxheri i Kompanise Neranxi.

Si lindi ideja e një panairi privat?

Kam 10 vite që vij në Shqipëri si specialist pranë kompanisë “Neranxi”. Kemi marrë pjesë në disa panaire që janë zhvilluar këtu në Tiranë, tek Pallati i Kongreseve dhe Piramida. Gjithmonë jam cuditur se si ka mundësi që brenda një panairi të ketë mallra ushqimorë, por edhe rroba, makina, traktorë…Dhe mbi të gjitha në ato panaire të lejohen njerëz të thjeshtë të futen vetëm për të bërë shopping.

Pse cila është ideja juaj për panairin?

Ju mund të më pyesni, pse ne në Itali apo kudo në Europë bëjmë panaire? Sepse panairi është një mundësi e mirë për të kontaktuar me klientët ekzistues, për t’i informuar ata për të rejat, por mbi të gjitha për të gjetur klientë të rinj. Këto janë panairë të specializuar, ku marrin pjesë firma dhe kompani që operojnë në të njëjtën fushë. Dhe menaxherët e tyre kontaktojnë vetëm me individë të interesuar për bashkëpunim, jo me njerëz të zakonshëm që hyjnë thjesht për kuriozitet.

Si mund të implementohet kjo eksperiencë perëndimore në kushtet e një kompanie shqiptare, në rastin konkret tek kompania “Neranxi”?

Mund ta them me bindje se kompania “Neranxi” të cilën unë e njoh mirë, ka vite që punon me standardet e një kompanie evropiane. Lëndët e para, atrecaturat, ambalazhet dhe çdo gjë tjetër, importohen nga kompani të famshme evropiane. Në këto kushte, ne kishim luksin të mendonim për një panair privat, të specializuar, ku të ftonim të gjithë furnitorët e huaj. Ndërkohë klientët tanë nga e gjithë Shqipëria, mund të takohen me specialistë të huaj si kuzhinierë, pastiçierë, xhelatierë, picajolë, barman etj. Dhe mbi të gjitha kjo konsulencë dhe këto shërbime iu ofrohen atyre falas.

Ju jeni specialist pastiçerie dhe xhelaterie por në këtë rast keni marrë rolin e menaxherit të panairit. Cilat kompani keni ftuar aty?

Natyrisht si fillim janë ftuar të gjitha ato kompani të mëdha me të cilat “Neranxi” bashkëpunon me sukses të garantuar prej shumë vitesh. Por ka dhe një risi, do të ftohen në panair edhe kompani të famshme evropiane të cilat prodhojnë makineri dhe atrecatura për kuzhinë, pastiçeri, bare etj. Vetëm kështu ne mund të realizojmë një shërbim të plotë për klientët tanë. Lëndët e para të cilësisë së lartë kërkojnë gjithashtu makineri dhe atrecatura të cilësisë së lartë.

Së fundi, çfarë prisni ju se do të ndodhë mbas këtij panairi?

Shpresoj shumë që puna, mundi dhe sforcoja jonë të vlerësohet nga klientët tanë. Shpresoj gjithashtu që eksperienca e specialistëve që ne sjellim nga jashtë, t’ju shërbejë atyre për të rritur cilësinë e prodhimeve dhe shërbimeve të tyre. Dhe në fakt unë jam i sigurtë për këtë. Madje së bashku me sipërmarrësit e kompanisë, kemi vendosur që shumë shpejt të realizojmë panaire edhe në qytete të ndryshme të Shqipërisë për të qenë sa më afër klientëve tanë dhe ekzigjencave të tyre. Suksesi i tyre është suksesi ynë.

Comments are closed.