Panairi i tretë profesional Neranxi 2011
January 27, 2011
Panairi i pestë profesional Neranxi 2013
January 27, 2013

Panairi i katërt profesional Neranxi 2012

Të gjitha tendencat e artit të kulinarisë dhe një fushatë sensibilizimi për të rritur cilësinë e produkteve dhe shërbimeve.

Tashmë organizimi i panaireve profesionale të kulinarisë, ka hyrë në axhendën e punëve të rëndësishme të kompanisë “Neranxi”. Pranvera vjen me këtë risi duke realizuar kështu një dimension shumë të rëndëishëm në biznesin impenjativ të lëndëve të para për industrinë ushqimore siç është ekspozimi dhe informimi i klientëve. Mbas 20 viteve eksperiencë, stafi drejtues i kësaj sipërmarrjeje ka kërkuar perfeksionimin e të gjitha hallkave të një aktivteti që kërkon një kujdes dhe dedikim shumë specifik. Për këtë arsye në fjalën e çeljes së panairit, zoti Neranxi theksoi faktin se të giithë ata që merren me sektorin ushqimor, kanë përgjegjësinë e madhe që të jenë shumë të kujdesshëm për lëndët e para, produktet finale e deri tek shërbimi. “Në punën tonë të mendosh thjesht si një tregtar, është fillimi i një dështimi të madh pasi në kemi në dorë jetën e konsumatorëve” – theksoi ai. Dhe për të sensibilizuar akoma më shumë klientët e kompanisë, zoti Neranxi solli në kujtesë rastin e një pastiçieri vlonjat e cili u vra në dyqanin e tij nga një klient i cili pretendonte se e bija kishte vdekur e helmuar nga ëmbëlsirat e tij, ngjarje kjo që ka ndodhur rreth dy javë më parë. Në ambientet e panairit që është i hapur edhe sot, janë ngritur stendat e markave të ndryshme siç janë lëndët e para për akullore, pastiçeri, restorante, fast-food-e, catering dhe bare. Nuk mungon stenda e atrecaturave, e ambalazheve, frutave të thata dhe erëzave, produkteve për supermarkete, produktet e kuzhinës meksikane, aziatike etj. Gjatë gjithë ditës janë në axhendë disa seminare nga specialistë vendas dhe të huaj të cilët informojnë klientët për të rejat e fundit të cilat përvetësohen prej tyre duke pasuruar edhe më shumë bagazhin e tyre profesional në terma të cilësië, zgjerimit të gamës dhe përfeksionimit të shërbimit ndaj klientit. Duke parë seriozitetin e punës së kompanisë “Neranxi”, bindemi se sot disa sipërmarrje private shqiptare nuk po presim që të bëhemi pjesë e Europës falë politikës, por ata dhe klientët e tyre e kanë prekur tashmë këtë dimension falë punës dhe përkushtimit të tyre.

Comments are closed.