Panairi i gjashtë profesional Neranxi 2014
January 27, 2014
Panairi i tetë profesional Neranxi 2016
January 27, 2016

Panairi i shtatë profesional Neranxi 2015

Arti i kulinarisë u shfaq për dy ditë me radhë për të gjithë të interesuarit në panairin e organizuar nga kompania Neranxi dhe Instituti i kulinarisë Neranxi. Ky është panairi i 7 që organizohet në vend për kulinarinë. Tradita e përvitshme e panairit, edhe këtë herë synoi që të nxirrte në pah risitë që ka sjellë kompania më e madhe e njëkohësisht lider në tregtimin e produkteve të kulinarisë. Ndonëse arritjet e kompanisë kanë ardhur në rritje nga viti në vit, Presidenti i kompanisë Neranxi, Nikollaq Neranxi u shpreh se ashtu si arritjet edhe pritshmëritë e klientëve janë të mëdha dhe për këtë duhet punuar fort. “Jam shumë i lumtur që mblidhemi këtu për të shtatën herë në panairin profesional të kuliranisë të organizuar nga kompania Neranxi dhe instituti kulinar Neranxi që kur vendosëm të organizojmë një panair profesional privat ishim të bindur se ideja jonë do të përqafohej masivisht për tu përsosur në misionin e madh që të gjithë bashkë kemi t ju shërbejmë shqiptarëve ushqime në cilësi maksimale dhe nga ana tjetër të perfeksionojmë mënyrën e gatimit dhe të shërbimit Nga ajo që shoh përditë në punën që ju bëni kam konstatuar se të gjithë jemi rritur shumë në këto vite. Këtë e shoh në restorantet tuaja në pastiçeritë në fast foodet në katering në dyqanet e prodhimeve të brumit në hotele dhe në komplekse të ndryshme pra po ecim mirë të gjithë por ka akoma shumë për të bërë sepse bota e përparuar ecën më shpejtë dhe ne duhet të ndjekim ritmet e saj” – tha Neranxi. Kanë qenë të shumtë njerëzit që kanë vizituar sot panairin për të parë e për të shijuar një mori gatimesh e produktesh të ekspozuara në panair. Instituti i kulinarisë Neranxi ka arritur të sjellë në treg një gamë të gjerë produktesh gjithmonë nën kujdesin që të sjellë jo vetëm shijen e mirë por edhe një cilësie maksimale të produkteve. Risia e këtij viti në panair është edhe prezantimi i projektit “Kamariere të shkolluar” për të bërë të mundur që shërbimi i urës lidhëse mes biznesit dhe klientit të jetë sa më afër perfeksionit që të jetë e mundur. Referuar kësaj Z. Neranxi dha një mesazh shumë të qartë: “Ngrijeni cilësinë nëpërmjet dijes edhe një shkallë më lartë dhe konsumatorët do ju shtohen dhe ata më pas edhe do ju falënderojnë.” Për çdo vit në Institutin e Kulinarisë Neranxi janë të shumtë nxënësit që regjistrohen për të mësuar artin e kulinarisë duke dalë kështu në treg si profesionistë të mirëfilltë.

Comments are closed.