Kompania Neranxi në bashkëpunim me Kompaninë italiane PreGel organizuan seminarin e parë të Akullores dhe Pasticerisë për vitin 2017 duke prezantuar në këtë mënyrë gjithë produktet dhe shijet e reja të këtij sezoni. Specialisti i PreGel, Giovanni De Cicco së bashku me Drejtorin e Marketingut për sektorin e Ballkanit Marco Rotelli dhe Olsi Sala, Export Area Manager i PreGel për gjithë Europën, prezantuan produktet e reja të 2017 dhe shijet më në trend për momentin duke u dhënë mundësinë gjithë klientëve të degustonin shijet e mahnitshme të akulloreve dhe ëmbëlsirave. Klientë nga e gjithë Shqipëria, Kosova dhe Maqedonia ishin të pranishëm në këtë takim mes profesionistësh, ku cilësia e produkteve dhe garancia që ofron ky brand internacional sigurohet nëpërmjet Neranxit për konsumatorin shqiptar.