Presidenti i Kompanisë Neranxi, Nikollaq Neranxi

Çelësi i suksesit tonë​

Kompania “Neranxi” ka 25 vite që zhvillon aktivitetin e saj në importin dhe përpunimin e lëndëve të para të industrisë ushqimore. Duke patur parasysh vështirësitë e tranzicionit dhe luhatjet e forta të sipërmarrjeve private në Shqipëri, ku dështimet shpesh jo për fajin e tyre, kanë qenë të shumta, qëndresa dhe rrugëtimi  i këtij aktiviteti, e bën kompaninë “Neranxi” një model  jo vetëm të suksesit,  por edhe të vizionit, sacrificës dhe qëndresës.

Kompania “Neranxi”, njeh fillimet e saj pikërisht atëherë kur në Shqipëri sapo kishte rënë sistemi komunist dhe po hidheshin hapat e para në ekonominë e tregut i cili ishte mjaft kaotik, por kjo kompani kuptoi menjëherë nevojën për të pasuruar tregun me lëndë të para për fabrikat dhe punishtet e vogla të asaj kohe dhe produkte ushqimore direkt për konsumatorin. Në fillim u importuan nga disa vende fqinje lëndë të para për pastiçeri dhe xhelateri dhe menjëherë më pas filloi importi i erëzëve dhe frutave të thata nga shumë vende të botës.

Jo vetëm import

Sot “Neranxi” ka një linjë prodhimi bashkëkohore për përpunimin dhe paketimin e erëzave dhe frutave të thata dhe fakti që “Neranxi” zgjedh vendet e origjinës me cilësinë më ekstra të këtyre produkteve si dhe i sjell ato në sasi të mëdha, bën që ajo të jetë lider në treg falë cilësisë dhe çmimit konkurrues, duke zgjeruar çdo vit edhe gamën e tyre. Çdo vit ka shënuar një risi në aktivitetin e “Neranxi”-t dhe kjo ka ardhur pikë së pari nga kërkesat gjithnjë e në  rritje të konsumatorëve dhe punës së madhe të kësaj kompanie për të mbetur lider në treg përballë konkurencës. 

Lëndët e para dhe produktet e kuzhinës kanë qenë ambicia e rradhës e kompanisë “Neranxi” dhe këtu nuk bëhet fjalë vetëm për të zhvilluar thjesht kuzhinën që ne njohim, por ambicia ka shkuar edhe më tej duke eksploruar kultura të ndryshme kulinarie nga kontinente të largëta. Kështu, pak vite më parë konsumatori shqiptar ka patur mundësi të njohë shijet alternative të kuzhinës meksikane dhe asaj aziatike falë punës së madhe të bërë jo vetëm në importin e produkteve, por edhe në mësimdhënien e profesionistëve, të atashuar pranë kësaj kompanie.

Network gjithnjë në rritje

Kompania “Neranxi” ka një rrjet dyqanesh shumice dhe pakice në të katër anët e Shqipërisë, në Kosovë, Mal të Zi dhe Maqedoni, duke ndërtuar kështu zinxhirin e pikave të shitjes sipas modelin amerikan ku networku është shumë i rëndësishëm jo vetëm në termat e fitimit, por edhe për konsolidimin e imazhit duke sjellë në vemendjen e të gjithë  sipërmarrësve, një hallkë shumë të rëndësishme të një biznesi, siç është strategjia e shitjes. Nuk mjafton të sjellësh produkte të mira nga e gjithë bota, nuk mjafton t’i përpunosh dhe paketosh me cilësi ato, por një investim serioz duhet bërë që këto produkte të shiten sipas disa strandarteve po kaq të larta dhe “Neranxi” e ka realizuar me sukses duke konsoliduar markën e saj në tregun shqiptar dhe rolin e liderit në fushën ku operon, brenda dhe jashtë kufinjve. 

 

Linja prodhimi

Nuk duhet lënë pa përmendur edhe një investim tjetër që ka lindur ekskluzivisht si kërkesë e tregut siç është linja e ambalazheve. Tashmë në ambientet e kompanisë “Neranxi” ka një fabrikë që realizon kuti të ndryshme për torta dhe pica, si dhe gjithë arsenalin e duhur të ambalazheve që shërbejnë për njësitë e ndryshme tregtare.

Por produktet e “Neranxi”-t janë të preferuarat edhe të hiperpermarketeve  të njohura shqiptare, sepse edhe ata mbas shumë eksperimentimeve me disa marka ku cilësia linte për të dëshiruar të bindur se konsumatorit modest shqiptar i intereson vetëm çmimi i ulët, tashmë kanë mbushur stendat e tyre me produktet “Neranxi” duke i besuar suksesin e tyre, një marke të suksesshme. Sot në këto hipermarkete por edhe tek dyqanet “Neranxi” mund të gjesh produkte të zgjedhura që janë jo vetëm të shijshme por edhe të shëndetshme duke u bërë garant për shëndetin e konsumatorëve.

“Neranxi” në kuadër të përzgjedhjes së kujdesshme dhe studimit permanent të tregut, ka menduar të sjellë produkte për një target njerëzish të veçantë të cilët janë intolerantë ndaj disa përbërësve ushqimorë, por edhe për ata që duan të ruajnë linjat, një ide që ngjan shumë avangarde, por që ka rezultuar e suksesshme dhe e përkrahur masivisht që në nisje të saj.

Jo vetëm shitje, por edhe trainim klientësh

Gjatë aktivitetit të saj “Neranxi” ka kryer një mision të jashtëzakonshëm edukimi për të ndërgjegjësuar specialistët e artit të kulinarisë mbi cilësinë dhe shumëllojshmërinë e produkteve të tyre. Në çdo bar, restorant, fast-food, pastiçeri, xhelateri, katering etj, krahash produkteve të kësaj kompanie ka mbërrituar edhe asistenca teknike e mjeshtrave tanë për një shërbim ekselent i cili është çmuar shumë nga klientët tanë dhe natyrisht benefitët e saj i ka shijuar konsumatori. Pikërisht për këtë arsye kjo iniciativë ka shkuar edhe më tej me çeljen e rreth dy viteve më parë të shkollës së kulinarisë “Instituti Kulinar Neranxi” nga ku çdo vit diplomohen specialistë nga të gjitha fushat. 

Panairet e përvitshme profesionale të cilat bëhen në ambientet e kompanisë, kanë hyrë tashmë në axhendën e punëve të rëndësishme të “Neranxi”-it, një investim shumë i madh ky për klientët tanë dhe një mundësi e mirë për tu takuar dhe bashkëpunuar edhe me klientë të rinj. Mbas tre vitesh që organizohen këto panaire, mund të themi që ka qenë një punë që ia ka vlejtur. Edhe pse sot pas 25 vitesh duket se “Neranxi” ka bërë një shtrirje të aktivitetit të tij në përmasa të paimagjinueshme, ajo çka diskutohet për ditë dhe për të cilën punohet fort, është konsolidimi i aktivitetit ekzistues por edhe zgjerimi i tij akoma më shumë në të ardhmen. Tashmë konsumatori mbetet në pritje të risive tona, dhe ne do t’ju a sjellim ato.

Ambientet e Kompanisë