Kuriozitete

Bima e rozmarinës është bima më e njohur, që ka ndihmuar në kurimin e mjaft sëmundjeve. Kjo bimë ndihmon dukshëm në kurimin e sëmundjes aq të njohur të diabetit, kur është i shoqëruar me depresion. Njerëzit, që vuajnë nga diabeti, ka më shumë të ngjarë të vuajnë edhe nga depresioni. Diabeti Diabetikët, që vuajnë nga depresioni, e kanë më të vështirë të mbajnë nën kontroll nivelin e sheqerit në gjak. Mjekët rekomandojnë pirjen e çajit të rozmarinës për të luftuar këtë sëmundje. Për përgatitjen e çajt rekomandohet 1 lugë kafeje me gjethet e thara të rozmarinës të hidhet në një enë, që më parë janë hedhur 2 gota me ujë të nxehtë. Lihet për 10 minuta, më pas kullohet dhe pihet i nxehtë. Mjekët rekomandojnë të pihen 2 filxhanë në ditë, para buke. Duhet patur kujdes që çaji të mos ëmbëlsohet. Çaji i përftuar nga zierja e gjetheve të rozmarinës ka dhënë rezultate të shkëlqyera edhe te personat, që vuajnë nga tensioni i lartë. Për këta të sëmurë rekomandohet që gjatë kohës së rritjes së tensionit, të pijnë menjëherë një gotë me çajin e përftuar nga bima dhe rezultatet do të jenë të menjëhershme. Mjaft e njohur është bima edhe në ndihmesën ndaj rritjes së aktivitetit të trurit dhe forcimit të kujtesës. Për të gjithë ata, që kanë një kujtesë të dobët dhe afatshkurtër, mjekët popullorë këshillojnë pirjen e çajit të rozmarinës herët në mëngjes. Është mirë që çaji të ëmbëlsohet me mjaltë, pasi dhe vetë mjalti ndikon në rritjen e kujtesës. Çaji i rozmarinës, ashtu si dhe shumë bimë të tjera të përmendura më parë, ndihmon mjaft në pastrimin e rrugëve të frymëmarrjes. Efekte të menjëhershme ka dhënë ky çaj te personat me grip, të shoqëruar me rrufë. Për shërim sa më të shpejtë, të sëmurët duhet të pijnë çajin e përftuar nga bima e rozmarinës. Kjo bimë shërben edhe në eliminimin e sëmundjes reumatizmale të spondiloatrozës. Dhimbjet e shkaktuara nga kjo sëmundje shpesh bëhen të padurueshme për të sëmurin. Ka raste kur sëmundja nuk e lejon të kryejë asnjë lëvizje. Prandaj, për ta lehtësuar sëmundjen, këshillohet të pihet çaj 3 herë në ditë përpara buke. Kur dhimbjet janë të forta, i sëmuri këshillohet të bëjë regjim shtrati. Çaji i rozmarinës këshillohet edhe për lehtësimin e dhimbjeve me origjinë reumatizmale, si dhimbjet e kyçeve, gjunjëve, si pasojë e motit të keq. Edhe në këto raste këshillohet pirja e çajit të rozmarinës. Rozmarina ndihmon mjaft në pakësimin e djersitjes, sidomos gjatë periudhs së verës, kur djersa është përherë e pranishme. Por çaji shërben jo vetëm kur djersa është për shkak të temperaturës së lartë, por mund të shkatohet edhe nga rënia e rezistencës së trupit apo nga humbja e kripërave minerale. Shumë të tjerë djersitin kur janë të sëmurë me grip apo edhe nga shëndeti i tepërt, pa qenë shkaktare e ndonjë sëmundjeje. Rozmarina është shumë e efektshme edhe për kurimin infeksioneve në mitër dhe organeve gjenitale. Nga çaji i bimës pihen 2 filxhanë në ditë, por gjithmonë para buke. Për qetësimin e dhimbjeve të kokës dhe kur dhembjet janë të shoqëruara me marrje mendsh këshillohet të pihet çaj i ëmbëlsuar me mjaltë. Pas pirjes së çajit do të shihni efektet pozitive që ai jep. Te personat, që vuajnë nga dhimbjet e stomakut, kur ato janë shkaktare të një sëmundjeje apo kur është dhimbje e rastit, një gotë me çaj rozmarine do të ndalonte menjëherë dhimbjet shqetësuese. Dhe sëmundja e fundit që kjo bimë kuron janë shqetësimet e tëmthit. Kjo bimë shërben për shkrirjen e gurëve në tëmth, si dhe ndihmon në rritjen e prodhimit të lëngut në këtë organ.
Dëshironi të jeni të lumtur Hani akullore. Kjo nuk është shaka, por sugjerim i ekspertëve britanikë. Ata gjatë studimit kanë ardhur deri te përfundimi se kjo ëmbëlsirë e ftohtë, i ofron të njëjtën kënaqësi qendrave të trurit, sikurse fitimi i parave apo dëgjimi i muzikës. Mjafton vetëm një lugë akullore, për të nxitur reagimin në zonat e lumturisë në tru. Por, kjo nuk është e tëra”¦ Akullorja është e mirë edhe për shumë gjëra të tjera. Të shkojmë me rend. Vlera ushqyese Akullorja nuk të trash, është natyrale dhe e pasur me minerale dhe vitamina. Vlera ushqyese e akullores është e madhe, sepse në 100 gramë ka rreth 200 kalori. Në prodhimin e tij, kryesisht përdoret qumështi i pasterizuar pluhur dhe ngjyra me prejardhje natyrale. Shëndeti Akullorja është sikur e krijuar për shëndetin, sepse e zbut veprimin e stresit dhe kështu e eviton rrezikun nga një varg sëmundjesh, të cilat i shkakton stresi. Është dëshmuar se në psikikë, posaçërisht pozitivisht ndikon akullorja nga vanilja. Kjo ëmbëlsirë e ftohtë i ofron të njëjtën kënaqësi qendrave të trurit, sikurse kur fitohen paratë apo dëgjimi i muzikës së preferuar, kanë treguar studime të ndryshme. Këtë e kanë vërtetuar edhe studiuesit e shkollës së Harvardit për shëndet publik në Boston, me skanimin e valëve të trurit. Të anketuarit gjatë kohës së skanimit kanë ngrënë akullore nga vanilja. Prodhimet e qumështit të pasur me kalcium zvogëlojnë të ashtuquajturin efektin jo-jo (kthimi i kileve të humbura pas ndërprerjes së dietës). Studimet kanë treguar se ushqimi i tillë mund ta pengojë kthimin e peshës për 50 për qind. Sot gati të gjitha llojet e akullores bëhen nga ajkat e ëmbla kualitative, kështu që përmes tyre trupi merr kalcium, i cili është tejet i vlefshëm për eshtra. Për këtë arsye akullorja është e rëndësishme për personat që nuk pinë qumësht dhe nuk hanë prodhime të fermentuara të qumështit. Studimet e mëhershme kanë treguar se kalciumi nuk e mbron vetëm shëndetin e eshtrave, por edhe e zvogëlon rrezikun nga zhvillimi i kancerit të zorrës së trashë. Përveç që është i mirë për trupin, akullorja e freskon edhe aromën e gojës. Pengesa më e madhe e akullores është dhënia e ngjyrave dhe aromave artificiale. Por, akulloren mund ta bëni edhe në shtëpi, duke i dhënë shije të vërteta të çokollatës, vaniljes dhe frutave të caktuara.
Trupi ynë nuk ka rezerva të zinkut, për këtë arsye zinku duhet të merret nga ushqimi. Eshtë thelbësor për metabolizmin qelizor, sistemin imunitar dhe për sintezën e proteinave. Doza ditore për gratë është 8 mg dhe 11 mg për meshkujt. Përveç mishit të kuq, mishit të bardhë dhe peshkut, mund të gjeni zink në:
 
– Produktet e qumështit të tilla si, kos dhe djathë;
– Fasule dhe bishtajore në përgjithësi;
– Kikirikë, arra, bajame, fistikë dhe lajthi;
– Selino, spinaq, speca, kungull, karrota;
– Vezë, fara kungulli dhe kërpudha.
 
Ushqime te pasura me zink gjeni ne rrjetin e dyqaneve Neranxi.
Kripa rozë e himalajës është ndryshe nga ajo që ne shohim çdo ditë në kuzhinë, i cili përbën në thelb klorur natriumi. Kripa e himalajës është e pastër, shumëvjeçare, pa toksina dhe ndotës që mund të infektojnë llojet e kriprave të cilat vijnë nga detet dhe oqeanet. Kripa himalajane rozë është e njohur ndryshe edhe si “ ari i bardhë”. Në të vërtet kemi të bëjmë me një burim të vlefshëm, të pasur me kripra minerale të cilat pothuajse nuk janë të pranishme tek kripa e zakonshme që përdorim në kuzhinë. Ajo përmbanë më shumë se 80 kripra minerale, veçanërisht hekur. Ngjyra karakteristike rozë ndodhë për shkak të presences së lartë të kriprave minerale, duke theksuar se ky varietet nuk i nënshtrohet asnjë trajtimi zbardhues. Kripa himalajës nuk i nënshtrohet proçesit të rafinimit apo ndonjë proçesi tjetër kimik. Kjo kripë është e pacënuar: kur nxirret ajo është e pastër ashtu si kur ajo është depozituar në tokë mijra vjet përpara, shija e saj forcon shijen e ushqimeve pa qënë nevoja ti mbulosh ato.
 
Cilat janë përfitimet? 
 
Së pari përdorimi i kripës himalaja, në vënd të kripës së zakonshme të kuzhinës, kufizon rrezikun e ruajtjes së ujit dhe hipertensionit, pasi përmbajtja e klorurit të natriumit është reduktuar. Pastaj kemi përfitime të shumta që mund të rezultojnë nga përdorimi i kripës himalaja në ushqimet tona:
 
1) Kontrollon nivelin e ujit në organizëm dhe rregullimin e saj me qëllim për të siguruar funksionimin e duhur.
2) Nxit një ekuilibër të qëndrueshëm të Ph në qeliza, përfshirë edhe trurin.
3) Për të parandaluar dhe reduktuar shenjat e zakonshme të plakjes.
4) Nxit aftësinë përmirësuese duke asorbuar elementët ushqyes prezentë në ushqim gjatë zorrëve.
5) Për mirëqarkullimin dhe frymëmarrjen.
6) Redukton dhimbjet e barkut.
7) Për të rritur fuqinë e kockave.
8) Për të nxitur shëndetin e veshkave, në krahasim me përdorimin e kripës së zakonshme të kuzhinës.
9) Favorizon përmisimin e një gjumi të qetë dhe të rregullt.
10) Ofron një ndihmë të natyrshme nga pikpamja e dëshirave seksuale.
 
Të shijshme dhe plot vlera ushqyese, arrat amerikane janë një nga frutat arrore më të njohura nga vendasit ameriaknë qysh shekuj më parë. Këto përmbajnë shumë vlera ushqyese të shëndetshme, minerale, vitamina që janë të nevojshëm për shëndetin optimal. Arrat amerikane i parkasin familjes së arrave amerikane, Juglandaceae. Sot, megjithatë, ajo kultivohet në shumë rajone të botës si një kulturë e rëndësishme tregtare. Emri shkencor: Carva illinoinenis.
 
Çdo fryt i arrave amerikane ka ngjyrë të kaftë të mbyllur, formë ovale pak të zgjatur, gjatësi nga 1 deri 3 inç dhe gjërësi 0,5-1 inç, me lëvore të jashtme si dhe membranë të trashë deri 3-4 mm.
 
Përfitimet shëndetësore të arrave amerikane
 
Arrat amerikane janë një burim i pasur i energjise, mbajnë 690 kalori në 100 gr, vlera ushqyese, minerale, vitamine të cilat janë esenciale për mirëmbajtjen e organizmit.
 
Arrat merikane janë të pasura me acide yndyrore si acidi oleik si dhe antioksdiantë fenolik. Si rezultat i acideve yndyrore dhe antioksidantëve, këto ndihmojnë në parandalimin e sëmundjeve koronare.
 
Arrat amerikane janë një burim i pasur me substanca fitokimike që mund të kontribuojnë në aktivitetin antioksidues, duke përfshirë vitaminën E, acidin polifenolik, beta karroten, lutein. Studimet tregojnë se këto komponime ndihmojnë trupin në heqjen e radikaleve të lira, dhe në këtë mënyrë të mbrojnë trupin nga sëmundjet dhe infeksionet.
 
Arrat amerikane janë një burim i shkëlqyer i vitaminës E, veçanërisht të pasur me gama-tocopherol, sigurojnë 25 gr në 100 gr. vitamina E është një antioksidant i fuqishëm i nevojshëm për ruajtjen e integritetit të membranës qelizore dhe lëkurës, duke e mbrojtur atë nga radikalet e lira të dëmshme.
 
Arrat amerikane janë gjithashtu një burim i shkëlqyer i grupit të vitaminave B-kompleks, të tilla si riboflavin, niacin, thiamin, acidi pantotenik, vitamin B-6 dhe acidi folik. Së bashku këto vitamina veprojnë si faktorë në metabolzimin brenda trupit të njeriut.
 
Arrat amerikane janë një burim i shkëlqyer i mineraleve si mangani, kaliumi, kalciumi, hekuri, magnezi, zinku dhe seleni.

Ku gjendet?
Resveratroli përftohet mbi të gjitha nga Polygonum cuspidatum, një bimë që njerëzit e lashtë e përdornin për zemrën, mëlçinë dhe stomakun. Rrënjët e saj përmbajnë një sasi edhe 400 herë më të madhe në krahasim me rrushin (e cila gjendet vetëm në pjesën e lëkurës) si dhe në verë. Resveratroli gjendet edhe tek manaferrat, shega, kikirikët, farat e pishës dhe në kakao. Një
gotë verë e kuqe përmban rreth 640 mcg resveratrol, ndërsa në një grusht kikirikë 73 mcg.

Përse me resveratrol eleminohen kilet e tepërta
Një studim i bërë në Universitetin e Teksasit (University os Texas Health Science Center San Antonio. USA), ka treguar
se resveratroli mund të jetë i dobishëm për të djegur yndyrnat e tepërta duke parandaluar mbipeshën. Resveratroli që gjendet tek rrushi dhe në ushqime të tjera, në fakt stimulon prodhimin e
adiponectinës, një proteinë e sintetizuar nga qelizat e indeve dhjamore, e cila gjendet me pakicë tek individët në mbipeshë. Kjo proteinë është e pakët edhe tek ata individë që kanë tension të lartë, diabet dhe nivel kolesteroli dhe tregliceridesh të lartë.
Adiponectina është e dobishme edhe kundër infeksioneve, dhe kjo bën që të përmirësohet efesti diuritik, parandalohet
formimi i celulitit, të cilat krijohen në gjendje inflamacioni (acarimi oseinfeksioni).

Këshilla:
Resveratroli gjendet në sasi të konsiderueshme edhe në fruta
të thata, sidomos në kikirikë.

Me pak kalori është më efikase

Resveratroli është një përbërje antioksiduese e familjes së
polifenoleve. Kjo substancë stimulon një grup proteinash që quhen sirtuine, të cilat marrin pjesë në shumë aktivitete
të organizmit, si psh në metabolizëm, infeksionet, formimin e tumoreve, riparimin e ADN-së dhe sekrecionin e insulinës. Që resveratroli të japë efektet e dëshiruara, duhet që të ndiqet një diete me kalori të moderuara.

Kolla mund të jetë akute dhe kronike. Kolla akute zgjat deri në tri javë, ndërsa ajo kronike shkon deri në 8 javë. Kolla shkaktohet nga sëmundje të ndryshme si ftohja në mushkëri, bronkiti kronik, astma bronkiale ose sëmundjet alergjike. Lëngjet e frutave dhe çajrat e shumëllojshëm me prejardhje bimore japin efekte lehtësuese në rrugët e frymëmarrjes dhe në fyt, duke bërë që kolla të zbutet. Mjekët rekomandojnë pirjen në sasi të mëdha të këtyre lëngjeve, 2 deri në 3 litra në ditë. Gjithashtu ata këshillojnë që, të sëmurët që kanë kollë, të pijnë ujë të ëmbëlsuar me mjaltë. Sipas tyre kjo është një kurë mjaft e mirë për të larguar kollën.

Çaji i lulëkuqes

Një bimë mjaft frytdhënëse në luftën kundër kollës së shkaktuar nga mushkëritë dhe pezmatimi i bronkeve është edhe lulëkuqja. Nga kjo bimë përdoren vetëm petalet e saj. Çaji i lulëkuqes pihet i ëmbëlsuar me mjaltë, sepse ai jo vetëm i jep ëmbëlsi çajit, por ndihmon edhe në përmirësimin e fytit. Petalet e bimës, pasi janë tharë, hidhen në gjysmë gote me ujë. Lihen për 30 minuta dhe nga lëngu i përftuar pihet 1 e treta e masës. Këto çajra shërbejnë edhe në rastet, kur kolla shoqërohet me gëlbazë, pasi e bëjnë më të lehtë nxjerrjen jashtë të saj përmes kollitjes.

Lulja e Blirit

Një tjetër bimë që përdoret kundër kollës është edhe lulja e blirit. Mjekët këshillojnë të pihet 3 deri në 4 gota me çaj bliri në ditë nga njerëzit që kanë kollë. Efektet do të jenë të menjëhershme.

Çokollata

Një grup shkencëtarësh kanë vërtetuar se çokollata është një ushqim mjaft e mirë kundër disa sëmundjeve. Merita i takon teobrominës, një substancë që ndodhet në farat e kakaos, e cila ka rezultuar se është më efikase se kodeina, një nga qetësuesit më të mëdhenj të kollës kronike. Kjo substancë vepron duke bllokuar aktivitetin e “nervit endacak”, që luan një rol kyç për shkaktimin e kollës. “Ky përbërës i çokollatës duket mjaft i mirë ndaj kollës dhe ajo që duhet nënvizuar është fakti se nuk ka efekte anësore si trajtimet e tjera tipike që janë përdorur deri më sot”,- thonë studiuesit. Kolla mund të jetë akute dhe kronike. Kolla akute zgjat deri në tri javë, ndërsa ajo kronike shkon deri në 8 javë.

Një studim i kryer në kafshë ka zbuluar se konsumimi i kumbullave të thara ngadalëson zhvillimin e arterosklerozës, një sëmundje e ndezjes, e cila sjell deri te sëmundjet kardiovaskulare dhe e cila konsiderohet si shkaktar udhëheqës i vdekjeve në shoqërinë e sotme. Studimi është kryer në minjtë me arterosklerozë të zhvilluar. Sasia e kumbullave të thara pluhur, e cila ndjeshëm ka zvogëluar dëmtimin e enëve të gjakut të shkaktuara nga arteroskleroza, ishte ekuivalente me konsumimin e 10 deri 12 kumbullave të thara në ushqimin e njeriut. Kumbullat e thara shpesh janë lavdëruar për shkak të veprimit pozitiv në tretje dhe gjithnjë e më shumë theksohen edhe për shkak të veprimit pozitiv në shëndetin e zemrës dhe enëve të gjakut. Studimet e mëhershme kanë konstatuar se kumbullat e thara zvogëlojnë nivelin e kolesterolit LDL te njerëzit. Kumbullat e thata përmbajnë nutrientë të shumtë, duke përfshirë edhe kalium, magnez dhe bor dhe kanë aktivitet të lartë antioksidues, për çka besohet se e kanë këtë ndikim pozitiv në shëndet.