FISTIKU
May 26, 2018
Arra Amerikane Pecan
May 26, 2018
Show all

Arra e Brazilit

Category:
Description

(Bertholeta exelsa)
Pema e kësaj lloj arre rritet në pellgun e tokave të lumit Amazona, është e brezit tropikal. Fruti i saj është një kapsule e madhe e rrumbullakët me parete të drunjëzuar, pesha e saj shkon
rreth 1,5 kg. Kur piqet, pasi të çahet, brenda saj gjenden 12-15 kokrra të zgjatura e të veshura me
cipë mbështjellëse. Brenda tyre gjenden thelpinjtë të cilët për nga pamja i ngjajnë bajames veçse janë pak më të mëdhaja dhe me formë më të harkuar. Thelpinjtë në brendësi janë të bardhë, kërcitës dhe me shije të mirë që afron me atë të bajames. Është e pasur në vaj, sheqerna dhe proteina. Përdoret për konsum por edhe në pastiçeri. Arra e Brazilit (Bertholletia excelsa) është një pemë e Amerikës së Jugut në familjen Lecythidaceae. Pema e arrës se Brazilit është e vetmja specie në gjininë monotipike Bertholletia. Ajo është vendase në Guianë, Venezuelë, Brazil, Kolumbinë Lindore, Perusë lindore dhe Bolivinë lindore. Është një pemë e shpërndarë në pyje të mëdha në brigjet e lumit Amazon, Rio Negro, Tapajós dhe Orinoco. Gjinia e llojit është emëruar pas kimist francez Claude Louis Berthollet. Në Brazil, është e paligjshme prerja e pemës së arrave të Brazilit. Si rezultat, ato mund të gjenden jashtë zonave të prodhimit, në oborret e shtëpive dhe afër rrugëve.
Vaji i arrë së Brazilit përmban 75% acide yndyrore të pangopura të përbëra kryesisht nga acide oleike dhe linolenike, si dhe fitosterol, beta-sitosterol, dhe vitaminë E. Këto fruta arrore përmbajnë sasi të lartë të kalorive, vitaminave, antioksidantë dhe minerale. Bërthama e saj ka qenë një nga burimet kryesore të energjise tek Amazonasit, por edhe sot. 100 gr arra braziliane japin rreth 656 kalori. Përmbajtja e lartë e kalorive, kryesisht vjen nga yndyrnat që përmbajnë. Si rezultat i acideve yndyrore, këto ofrojnë mbrojtje nga sëmundjet e arterieve koronare dhe sulmeve duke favorizuar profil të shëndetshëm të lipideve të gjakut. Këto fruta arrore janë burim shumë i mirë i vitaminës E, e cila është një antioksidantë i fuqishëm. Është e nevojshme për ruajtjen e integritetit të membranës qelizore të mukusit dhe lëkurës duke e mbrojtur nga radikalet e dëmshme. Arrat braziliane përmbajnë nivele jashtzakonisht të larta të selenit. 100 gr arra të këtij lloji sigurojnë rreth 1917 mg dozë të rekomanduar ditore të selenit. Seleni ndikon në parandalimin e sëmundjeve koronare, cerozës së mëlçisë dhe disa lloje kanceri.
Për më tepër, arrat baziliane janë pa gluten. Përveç kësaj, arrat braziliane janë burim i shkëlqyer i grupit të vitaminave B-kompleks, si Thiaminës, Riboflavinës, Niacinës, Acidit Panthotenik, Vitaminës B6 dhe Acidit Folik.
Përveç Selenit përmbajnë edhe nivele shumë të mira të mineraleve, të tilla si bakri, magnezi, mangani, kaliumi, kalciumi, hekuri, fosfori dhe zinku. Bakri ndihmon në parandalimin e anemisë dhe osteoporozës. Mangani është shumë i rëndësishëm për enzimat antioksiduese.

Reviews (0)

Reviews

There are no reviews yet.

Be the first to review “Arra e Brazilit”

Your email address will not be published. Required fields are marked *