XHINXHER

Emri Latin: (Zingiber Officinale)

Kjo erëz është e re në vendin tonë, paraqitet në formë pluhuri, me ngjyrë të verdhë, me aromë të këndshme dhe lehtësisht djegëse. Përfitohet nga një frutrrënjor i një bime barishtore që quhet zinxhiber dhe që kultivohet si bimë aromatike në Indi dhe vendet e tjera të brezit tropikal. Zhardhokët pasi pastrohen, thahen e me pas bluhen për të dhënë erëzen në formën që tregetohet. Përdoret për të aromatizuar supërat, pilafin etj. Konsiderohet si erëz që gjallëron dhe i jep energji organizmit. Në vendet arabe dhe në Turqi hidhet në sasi të vogël edhe në kafe për ti dhënë shije dhe aromë më të fortë. Xhinxheri është një erëz shumë e çmuar. Tek xhinxheri i thatë gjejmë xhinxheronin, element që e bën pikante këtë erëz. Ky element e bën xhinxherin një erëz me efekte antioksidante dhe anti infektive. Për këtë arsye rezulton se mbron kundër kancerit falë ekstraktit etanolic kundër adeno- carcinomas. Ate mund ta pergatisni ne forme caji. Përgatisni 5 gramë xhenxhefili dhe 5 gramë çaj jeshil. I fusni nën ujë të nxehtë për 10 minuta. Ky çaj mund të konsumohet në verë ose në fillim të vjeshtës, për të asgjësuar nxehtësinë e brendshme. Kjo është gjithashtu një pije shumë e përshtatshme për parandalimin e të fikëtit nga vapa.