logo

Pse IKN është i veçantë në llojin e tij

Instituti Kulinar Neranxi, u krijua 9 vite më parë me iniciativë të Kompanisë “Neranxi”. Shkolla lindi si nevojë e tregut për specialistë në fushën e kulinarisë. Që në vitet e para të saj, kjo shkollë ka patur një sukses të paparashikuar. Instituti Kulinar Neranxi, arriti të thyejë të gjitha tabutë dhe paragjykimet tipike shqiptare, sipas të cilave vetëm një punë në zyrë është një punë e mirë, madje mundësisht një punë shteti që të rrish edhe në kafe. Stili i jetës i shumë të rinjve, ishte një promovim i pasivitetit, dembelizmit dhe një rutinë që nuk të lejonte të vendosje objektiva dhe qëllime në jetë.

Në këtë lloj atmosfere, u krijua Instituti Kulinar Neranxi, e cili dukej sikur shkonte kundër rrjedhës asokohe. Kjo shkollë i orientoi të rinjtë shqiptarë, drejt një mendësie komplet tjetër; të studionin fort për të marrë një profesion me vlerë i cili iu garantonte tregun e punës dhe të ardhura të mira. Të diplomuarit e kësaj shkolle, janë punësuar në restorante, hotele, pasticeri, bukpjekës, fast-foode-e dhe bare. Pronarët e këtyre bizneseve, telefonojnë për të falenderuar shkollën për këtë burim njerëzor kaq me vlerë. Ndërkohë disa më me kurajo, kanë hapur dyqanet e tyre dhe po ecin shumë mirë. Ky është një sukes shumë i madh, pasi flasin veprat më shumë se fjalët.

Përsa i përket objektivave, Instituti Kulinar Neranxi, pas 9 vitesh aktivitet, po kërkon që të përsosë akoma më shumë punën e tij. Binjakëzimi me IFSE-n, një Institut Kulinar shumë i suksesshëm në Itali, i cili ka edhe laboratorë kërkimesh shkencore, ka ndihmuar shumë, në mënyrë që procesi e mësimdhënies, të jetë në një hap me më të mirët, pavarësisht se në Shqipëri, arsimi profesional ka filluar të marrë jetë vetëm vitet e fundit.

Tek IKN i jepet shumë rëndësi praktikës. Nxënësit gatuajnë çdo ditë, prandaj dhe kur mbarojnë shkollën, ata kanë një bagazh profesional që i bën gati pa konkurrueshëm në profesionin e tyre.