26229338_1677518745641316_580330607576029526_n

Rizoto milanez me shafran Krokos Kozani

Përbërësit për 4 persona:
400 gr oriz për rizoto “Robo”
100 gr gjalpë “Mammas Butter”
150 gr djathë kaçkavall të fortë
1 litër lëng mishi (Brodo vici “Robo)”
1/2 gotë verë të bardhë “Dionysos”
1 qepë të vogël
shafran Kokos Kozani (10 fije) (1 bustine)

PERGATITJA:
Fillimisht vendosim lëngun e mishit të ziejë në një tenxhere të cilën duhet ta mbajmë gjithmonë në vlim.
Brodon e viçit e shkrijmë në 1 litër ujë.
Në një tigan të madh kaurdisim qepën e grirë hollë me gjysmën e gjalpit (gjalpi duhet vetëm të shkrijë dhe jo të skuqet) në zjarr të avashtë, duke i përzierë herë pas here me një lugë druri. Shtojmë orizin dhe vazhdojmë përzierjen derisa ai ta ketë thithur komplet gjalpin. Pas kësaj, në zjarr të fortë, e shuajmë përbërjen me verë të bardhë të cilën e lëmë të avullojë plotësisht. Shtojmë dy garuzhde lëng mishi, e përziejmë dhe e lëmë derisa orizi ta ketë thithur komplet, pas kësaj shtojmë 2 garuzhde të tjera e kështu me rradhë derisa të përfundojë koha e gatimit. Në gjysmën e kësaj kohe, tresim shafranin në pak lëng mishi dhe ia shtojmë orizit duke e përzierë mirë në mënyrë që ai të “ngjyroset” uniformë. Kur orizi të ketë arritur butësinë e dëshiruar, e heqim nga zjarri, e spërkasim me djathin grana të grirë dhe i shtojmë pjesën tjetër të gjalpit. Përpara se ta servirim nëpër pjata, është mirë ta lëmë të pushojë për rreth 5 minuta me kapak të mbyllur në mënyrë që të marrë shije.
Këshillë:
Kur pregatisim rizoton me shafran, duhet që vera me të cilën do të shuajmë orizin të jetë në temperaturë ambienti, në mënyrë që të mos bllokojë gatimin. E njëjta gjë vlen edhe për lëngun e mishit, i cili duhet të jetë gjithmonë në vlim që të mos ngadalësojë gatimin gjatë çdo garuzhdeje. Gjithashtu, për të kriposur orizin, mjafton që t’i shtojmë kripë lëngut të mishit të cilin ia hedhim gradualisht. Ju bëftë mirë!
Perberesit i gjeni tek dyqanet Neranxi.