Misioni i markës Neranxi ka të bëjë vetëm dhe ekskluzivisht me konsumatorin dhe ky mision ka qenë i tillë që në ditët para të rrugëtimit të saj. Edhe kur punohej me dy dyqane e një magazinë, edhe sot që është krijuar një infrastrukturë gjigande, pavarësisht strategjive të ekspansionit apo lëvizjes me hapa më të ngadaltë dhe të sigurtë, misioni nuk ka ndryshuar, pasi sytë janë gjithmonë aty, tek konsumatori. ‘Neranxi” nuk ka dashur asnjëherë që të konceptohej si një dyqan që hap qepenat në mëngjes dhe i mbyll në darkë, për të bërë më pas bilancin se sa u fitua sot. Neranxi nuk ka dashur dhe aspiruar asnjëherë që t’i qaset klientit si një kompani që shet. Misioni i tij ka qenë shumë më tepër se kaq. Kompania Neranxi ka synuar që nëpërmjet aktivitetit të saj, të promovojë një jetë të shëndetshme, të edukojë kulturë të ushqyeri që siguron një jetë të gjatë dhe pa sëmundje, duke besuar fort se cilësia e jetës fillon dhe mbaron në tavolinë!