Produkte ushqimore për individë dhe biznese, lëndë të para

HomeHistorikuMisioni dhe vlerat Strategjitë

"Neranxi Company" is part of "Neranxi Group"

0
Products for businesses and individuals
0
Sales units in Albania and Kosovo
0
Laboratory tests for products
0
Culinary activities (fairs, events, seminars, promotions)

Si një shembull i shkëlqyer se si një kompani familjare drejton sipërmarrjen me po aq dashuri siç menaxhon familjen, Kompania Neranxi ka marrë që në nisje të aktivitetit të saj e deri më sot, të gjithë shpërblimin e punës dhe sacrificës, nga klientët e saj, të cilët markën Neranxi e kanë gjithmonë zgjedhjen e tyre të parë.

How the journey of the Neranxi brand began about three decades ago!

Nëse merr përsipër të tregosh se si mbiemri i një familjeje të nderuar nga Himara, u bë markë në industrinë ushqimore, duhet patjetër të rrëfesh një copëz histori nga Shqipëria e viteve të para të tranzicionit. Shqipëria e pas viteve 90-të, ishte një realitet krejt i ri për banorët e saj dhe për qasjen e saj ndaj botës, asaj “Molle të ndaluar” për gjysëm shekulli, si pasojë e diktaturës dhe regjimit komunist të instaluar në vend. Tashmë shqiptarët ishin të lirë dhe kjo ngjante me një rilindje, por se çfarë duhej të bënte secili prej nesh me këtë liri, se si do të orientoheshin jetët tona pas ndryshimeve të mëdha, mbetej një dilemë e madhe. Pluralizmi solli lirinë e secilit për të jetuar si të donte, por solli edhe lirinë e tregut, shoqëruar me një kaos të madh. Ekonomia e centralizuar kishte bërë që njerëzit veçse të endërronin se si mund të ishte të drejtoje një sipërmarrje pri- vate, por se si mund të bëhej ajo në realitet, ishte diçka e vështirë për tu imagjinuar, e akoma më e vështirë për tu realizuar. Ekonomia e tregut në fillim të viteve 90-të në Shqipëri ishte kaotike, por aq e dëshiruar për individët me shpirt tregtie, si dhe për konsumatorët. Të paktën 10 vitet e fundit para rënies së diktaturës, në Shqipëri mungonte gjithçka jetike, nga ushqimet e deri tek produktet e tjera që mundësonin të jetuarit brenda një normaliteti njerëzor. Pas viteve 90-të, në vend u mbyllën përfundimisht çdo fabrikë, uzinë apo kombinat ku prodhohej gjatë kohës së diktaturës, dhe në këtë mënyrë Shqipëria u kthye në një vend tërësisht importues. Në këto kushte, një çift i ri nga Himara, Nikollaq dhe Nurie Neranxi, të diplomuar në Universitetin Bujqësor të Tiranës si Agronomë dhe me grada shkencore, vendosën të lënë profesionet e tyre dhe nisën një aktivitet privat. E meqë Himara ishte një vend i vogël, ata zgjodhën Tiranën, kryeqytetin e Shqipërisë dhe qytetin i cili edhe sot pas më shumë se 30 vite, vijon të jetë kryeqendra e të gjitha bizneseve, pasi shumica tashmë janë pozicionuar aty. Në intervista të ndryshme të dhëna në media, Presidenti i Kompanisë Neranxi, Z. Nikollaq Neranxi, e ka treguar me detaje se si ishin fillimet e aktivitetit të tij privat, ku u angazhuan të gjithë familjarët e tij. Me dy dyqane në zonën e 21-Dhjetorit, ai përpiqej të kuptonte se çfarë aktiviteti tregtar mund të fillonte. E teksa rrinte i menduar në këto dyqane të blera me kursimet e punës në emigracion, por akoma bosh, filluan të vijnë klientët e parë dhe të jepnin idetë e tyre se çfarë do të donin të gjenin në ato dyqane.

Sektori ushqimor padyshim ishte më imediati për konsumatorin e thjeshtë. Ndërkohë kishin filluar punë punishtet e para modeste ushqimore, ku edhe ato kërkonin gjithashtu lëndë të para për të prodhuar produktet e tyre. Kjo kërkesë e tregut, si dhe shkollimi i duhur i çiftit Neranxi, e orientoi familjen Neranxi drejt sektorit ushqimor, një aktivitet të cilin e zhvillojnë edhe sot. Një reflektim të gjatë ata bënë edhe për emrin me të cilin do ta pagëzonin aktivitetin e tyre. Në Shqipëri asokohe ishin shumë në modë emrat e huaj. Ai trend, dukej sikur i afronte më shumë shqiptarët me botën. Por familja Neranxi vendosi që sipërmarrja të mbante mbiemrin e tyre. Padyshim një vendim i guximshëm, jo vetëm për faktin se shkoje kundër trendeve të kohës, por sepse ishte një përgjegjësi më shumë teksa sipërmarrja dhe familja, do indentifikoheshin si një e vetme. Në intervista të ndryshme, Presidenti i Kompanisë Neranxi, Z. Nikollaq Neranxi, e ka spjeguar gjatë vendimin për ta quajtur sipërmarrjen e tij “Neranxi”. Në vizionin e tij, përpjekja për të rritur një aktivitet biznesi, nuk është gjë tjetër veçse rritja e prestigjit të emrit, markës që ky aktivitet përfaqëson. “Unë luftoj për emër, jo për para!”, është një nga shprehjet që punonjësit e Kompanisë Neranxi e dëgjojnë më së shumti nga Presidenti i kësaj Kompanie. Sepse në fakt aty është zanafilla e suksesit, nëse lartëson markën, suksesi financiar vjen më pas. Nëse kthejmë kokën pas, sot pas 30 vitesh, gjithçka ka ndryshuar, është modernizuar, tashmë ecet me hapin e kohës. Por nëse ka diçka që ka mbetur e njëjtë, ajo është dëshira e familjes për t’i shërbyer klientit me produkte dhe lëndë të para të cilësisë maksimale. Vizioni për një të nesërme më të mirë se e sotmja dhe dëshira për të bërë gjithnjë punë akoma më të mira, gjithashtu nuk kanë ndryshuar. Si një shembull i shkëlqyer se si një kompani familjare drejton sipërmarrjen me po aq dashuri siç menaxhon familjen, Kompania Neranxi ka marrë që në nisje të aktivitetit të saj e deri më sot, të gjithë shpërblimin e punës dhe sacrificës, nga klientët e saj, të cilët markën Neranxi e kanë gjithmonë zgjedhjen e tyre të parë.

“Unë luftoj për emër, jo për para!”, është një nga shprehjet që punonjësit e Kompanisë Neranxi e dëgjojnë më së shumti nga Presidenti i kësaj Kompanie, Z. Nikollaq Neranxi. Sepse në fakt aty është zanafilla e suksesit, nëse lartëson markën, suksesi financiar vjen më pas.