Kreu – Historiku – Misioni dhe vlerat – Strategjitë
Kompania Neranxi synon që nëpërmjet aktivitetit të saj, të promovojë një jetë të shëndetshme, të edukojë kulturë të ushqyeri që siguron një jetë të gjatë dhe pa sëmundje, duke besuar fort se cilësia e jetës fillon dhe mbaron në tavolinë.
Përcaktimi i misionit dhe vlerave, janë themelet e një kompanie, mbi të cilat ajo ndërton gjithë rrugëtimin e saj. Këto dy aspekte, përcaktojnë identitetin e saj, si dhe objektivat afatshkurtra, afatmesme dhe afatgjata. Nëse për strategjinë thamë se ka qenë gjithnjë në dinamikë, misioni dhe vizioni mbeten po ato në thelb. Misioni i markës Neranxi ka të bëjë vetëm dhe ekskluzivisht me konsumatorin dhe ky mision ka qenë i tillë që në ditët e para të rrugëtimit të saj. Edhe kur punohej me dy dyqane e një magazinë, edhe sot që është krijuar një infrastrukturë gjigande, pavarësisht strategjive të ekspansionit apo lëvizjes me hapa më të ngadaltë dhe të sigurtë, misioni nuk ka ndryshuar, pasi sytë janë gjithmonë aty, tek konsumatori. “Neranxi” nuk ka dashur asnjëherë që të konceptohej si një dyqan që hap qepenat në mëngjes dhe i mbyll në darkë, për të bërë më pas bilancin se sa u fitua sot. Neranxi nuk ka dashur dhe aspiruar asnjëherë që t’i qaset klientit si një kompani që shet. Misioni i tij ka qenë shumë më tepër se kaq. Kompania Neranxi synon që nëpërmjet aktivitetit të saj, të promovojë një jetë të shëndetshme, të edukojë kulturë të ushqyeri që siguron një jetë të gjatë dhe pa sëmundje, duke besuar fort se cilësia e jetës fillon dhe mbaron në tavolinë. Kjo ka qenë arsyeja që në Kompaninë Neranxi punojnë kaq shumë specialistë të fushave të ndryshme duke filluar me ata të kulinarisë (shefa kuzhine, pasticierë, barmanë etj), specialistë të nutricionit, shkencëtarë, biologë, kimistë etj. Gjithçka në funksion të këtij misioni të madh. Dhe pikërisht për këtë arsye, u hap 13 vite më parë Instituti Kulinar Neranxi, ku diplomohen specialistët e kulinarisë, me njohuri jo vetëm kulinare, por në të gjithë sferën që përfshin shkenca e të ushqyerit. Ky ka qenë një investim i jashtëzakonshëm, në mënyrë që dy shtyllat kryesore, tregtim dhe edukim, të ecin gjithmonë përkrah njëra tjetrës. Falë këtij informacioni të gjerë e të vazhdueshëm që kemi shpërndarë në këto tre dekada, sot një klient e ka gati të pamundur të mos bëjë diferencën mes një produkti cilësor ose më pak të tillë. Prandaj misioni ynë është në të njëjtën kohë edhe vlera e markës tonë; qasja e ndershme ndaj klientit, pa aspiruar asnjëherë për fitime të shpejta e të lehta, me koston e rrezikshme të humbjes së besimit të klientit. Klienti është vlera dhe aseti më i madh që ka një kompani. Nëse e vendosim atë si prioritet, nuk devijojmë asnjëherë as nga misioni dhe as nga vlerat. Prandaj forca e markës “Neranxi”, është klienti i saj besnik.
Kompania siguron standardet HACCP dhe IFS të cilat përfaqësojnë kriteret e njohura nga zinxhirët kryesorë evropianë dhe ndërkombëtarë të shpërndarjes së ushqimit. Kontrolli i përpiktë dhe menaxhimi i përgjithshëm i lëndëve të para, furnitorëve, proceseve dhe produkteve të gatshme janë baza e evolucionit të kompanisë dhe pritshmëritë e klientëve më të vëmendshëm. Falë një ekipi të brendshëm profesionistësh, me njohuri shumëdisiplinore, kriteret e standardeve plotësohen dhe ngrihen në nivele gjithnjë e më konkurruese.
Panairet e përvitshme profesionale të cilat bëhen në ambientet e kompanisë, kanë hyrë tashmë në axhendën e punëve të rëndësishme të “Neranxi”-it, një investim shumë i madh ky për klientët tanë dhe një mundësi e mirë për tu takuar dhe bashkëpunuar edhe me klientë të rinj.
Gjatë aktivitetit të saj, “Neranxi” ka kryer një mision të jashtëzakonshëm edukimi për të ndërgjegjësuar specialistët e kulinarisë mbi cilësinë dhe shumëllojshmërinë e produkteve të tyre. Në çdo bar, restorant, fast-food, pastiçeri, xhelateri, katering etj, krahash produkteve të kësaj kompanie, ka mbërrituar edhe asistenca teknike e mjeshtrave tanë, për një shërbim ekselent i cili është çmuar shumë nga klientët tanë dhe natyrisht benefitet e saj i ka shijuar konsumatori. Pikërisht për këtë arsye kjo iniciativë ka shkuar edhe më tej me çeljen e 13 viteve më parë, të shkollës së kulinarisë “Instituti Kulinar Neranxi” nga ku çdo vit diplomohen specialistë nga të gjitha fushat. Panairet e përvitshme profesionale të cilat bëhen në ambientet e kompanisë, kanë hyrë tashmë në axhendën e punëve të rëndësishme të “Neranxi”-it, një investim shumë i madh ky për klientët tanë dhe një mundësi e mirë për tu takuar dhe bashkëpunuar edhe me klientë të rinj. Mbas 14 vitesh që organizohen këto panaire, mund të themi që ka qenë një punë që ia ka vlejtur. Edhe pse sot pas 30 vitesh, Kompania “Neranxi” ka bërë një shtrirje të aktivitetit të saj në përmasa të paimagjinueshme, ajo çka diskutohet për ditë dhe për të cilën punohet fort, është konsolidimi i aktivitetit ekzistues, por edhe zgjerimi i tij akoma më shumë në të ardhmen. Tashmë konsumatori mbetet vazhdimisht në pritje të risive tona, dhe ne punojmë fort që t’ju a sjellim ato.
