Produkte ushqimore për individë dhe biznese, lëndë të para

KreuHistorikuMisioni dhe vleratStrategjitë

Kompania Neranxi ka synuar gjithmonë objektiva të mëdha, të cilat shpesh dukeshin si misione të pamundura, në një Shqipëri me kaq probleme dhe ku fenomeni i konkurrencës së pandershme dhe i korrupsionit, mbetet i pazgjidhur edhe sot

Strategjitë që garantojnë suksesin

Kompania “Neranxi” ka 30 vite që zhvillon aktivitetin e saj në importin, prodhimin dhe përpunimin e lëndëve të para të industrisë ushqimore, jo vetëm në Shqipëri, por edhe në Kosovë, Maqedoni e Mal të Zi. Duke patur parasysh vështirësitë e tranzicionit dhe luhatjet e forta të sipërmarrjeve private në Shqipëri, ku dështimet shpesh jo për fajin e tyre, kanë qenë të shumta, qëndresa dhe rrugëtimi i këtij aktiviteti, e bën kompaninë “Neranxi” një model jo vetëm të suksesit, por edhe të vizionit, sakrificës dhe qëndresës. Por cila ka qenë strategjia e ndjekur, për të shkuar drejt suksesit, me gjithë vështirësitë e përmendura më lart? Kur flasim për një strategji biznesi, i referohemi një plani pune që një kompani ka ndërtuar, për të mbërritur tek vizioni i saj, duke i dhënë prioritet objektivave të vendosura dhe duke optimizuar investimin financiar përmes modelit që ka zgjedhur. Vizioni nuk është gjë tjetër, veçse aftësia për të parë atë që nuk është e dukshme, prandaj është kaq i rëndësishëm në një sipërmarrje dhe pikërisht këtu bëhet diferenca mes një lideri vizionar ose jo. I gjithë fokusi është tek objektivat që synohen të arrihen dhe Kompania Neranxi ka synuar gjithmonë objektiva të mëdha, të cilat shpesh dukeshin si misione të pamundura, në një Shqipëri me kaq probleme dhe ku fenomeni i konkurrencës së pandershme dhe i korrupsionit, mbetet i pazgjidhur edhe sot pas 30 vitesh ekonomi tregu. Madje sot, ky korrupsion është akoma më agresiv se dikur, por më i sofistikuar, gjë që e bën të vështirë të operosh si një biznes i formalizuar dhe që kërkon rrugë të ndershme për të qëndruar në treg dhe për të patur sukses. Por mesa duket ka një sekret i cili, strategjinë e një biznesi të ndershëm për të shkuar tek objektivi, e bën efiçent edhe në këto kushte. Dhe ky sekret është vetëm puna, vendosja e objektivave të qarta dhe mbi të gjitha kur konsumatori kupton se si punon dhe bën diferencën me të tjerët, pa patur nevojën që t’i spjegosh asgjë. Strategjia e biznesit në Kompaninë Neranxi, mund të jetë atipike, madje mund të mos e lexosh në asnjë libër apo manual ku jepen formula të gatshme suksesi në biznes. Kjo, sepse Shqipëria është e tillë, tregu është i tillë, ndryshimet janë të paparashikuara dhe përgjigja e kompanisë ndaj tyre, duhet të jetë e shpejtë dhe efikase. Të dish të kthesh në pika të forta edhe dobësitë e tregut, është një talent më vete dhe kjo i garanton një sipërmarrjeje suksesin dhe jetëgjatësinë. Në konkluzion, ju mund të kërkoni një fjali përmbledhëse mbi strategjinë e biznesit në Kompaninë Neranxi, por kjo është e pamundur, sepse një rrugëtim prej tre dekadash, në kontekst të një ekonomie tregu gjithmonë në tranzicion dhe problematik, ka bërë që strategjia të jetë vazhdimisht e ndryshme, inovative, por gjithmonë progresive.

Import “Made in UE”, por pa harruar promovimin “Made in Albania”!

Sot Kompania “Neranxi” ka disa linja prodhimi dhe përpunimi bashkëkohore, ku aktiviteti më i madh ka të bëjë kryesisht me përpunimin dhe paketimin e erëzave dhe frutave të thata dhe fakti që “Neranxi” zgjedh vendet e origjinës me cilësinë më ekstra të këtyre produkteve si dhe i sjell ato në sasi të mëdha, bën që ajo të jetë lider në treg falë cilësisë dhe çmimit konkurrues, duke zgjeruar çdo vit edhe gamën e tyre.Çdo vit ka shënuar një risi në aktivitetin e “Neranxi”-t dhe kjo ka ardhur pikë së pari nga kërkesat gjithnjë e në rritje të konsumatorëve dhe punës së madhe të kësaj kompanie për të mbetur lider në treg përballë konkurrencës. Gjithashtu Kompania Neranxi ka përzgjedhur me kujdes prodhimet nga Shqipëria dhe Kosova, në mënyrë që konsumatori të gjejë nën markën “Neranxi” edhe produktet vendase të cilësisë më të mirë. Lëndët e para dhe produktet e pasticerisë dhe bareve, kryesisht të importuara dhe të përzgjedhura si më të mirat në vendet e BE-së, janë më të preferuara e bizneseve dhe konsumatorëve shqiptarë, por edhe të rajonit. Lëndët e para dhe produktet e kuzhinës kanë qenë gjithmonë në fokusin e kompanisë “Neranxi” dhe këtu nuk bëhet fjalë vetëm për të zhvilluar thjesht kuzhinën që ne njohim, por ambicia ka shkuar edhe më tej duke eksploruar kultura të ndryshme kulinarie nga kontinente të largëta. Kështu, pak vite më parë konsumatori shqiptar ka patur mundësi të njohë shijet alternative të kuzhinës meksikane dhe asaj aziatike, falë punës së madhe të bërë jo vetëm në importin e produkteve, por edhe në mësimdhënien e profesionistëve, të atashuar pranë kësaj kompanie dhe asistencës së vazhdueshme pranë bizneseve të hoteleri-turizmit.

Network i dyqaneve “Organic Market Neranxi”

Kompania “Neranxi” ka një rrjet dyqanesh shumice dhe pakice Organic Market në të katër anët e Shqipërisë, në Kosovë, Mal të Zi dhe Maqedoni, duke ndërtuar kështu zinxhirin e pikave të shitjes sipas modelit amerikan, ku networku është shumë i rëndësishëm jo vetëm në termat e fitimit, por pikë së pari për konsolidimin e imazhit, duke sjellë në vemendjen e të gjithë sipërmarrësve, një hallkë shumë të rëndësishme të një biznesi, siç është strategjia e shitjes. Nuk mjafton të sjellësh produkte të mira nga e gjithë bota, nuk mjafton t’i përpunosh dhe paketosh me cilësi ato, por një investim serioz duhet bërë që këto produkte të shiten sipas disa standarteve po kaq të larta dhe “Neranxi” e ka realizuar me sukses duke konsoliduar markën e saj në tregun shqiptar dhe rolin e liderit në fushën ku operon, brenda dhe jashtë kufinjve. Një specifikë e dyqaneve Neranxi, është se krahas produkteve të paketuara, konsumatori mund të gjejë edhe produkte të hapura, ku ai mund ta shohë dhe ta provojë atë para se të vendosë ta blejë. Por produktet e “Neranxi”-t janë të preferuarat edhe të hiperpermarketeve të njohura shqiptare, sepse edhe ata mbas shumë eksperimentimeve me disa marka ku cilësia linte për të dëshiruar, pasi ishin të bindur se konsumatorit modest shqiptar i intereson vetëm çmimi i ulët dhe jo cilësia, tashmë kanë ndryshuar strategji dhe kanë mbushur stendat e tyre me produktet “Neranxi”, duke i besuar suksesin e tyre, një marke të suksesshme. Sot në këto hipermarkete, por edhe tek dyqanet “Neranxi”, mund të gjesh produkte të zgjedhura që janë jo vetëm të shijshme, por edhe të shëndetshme, duke u bërë garant për efektin pozitiv në shëndetin e konsumatorëve. “Neranxi” në kuadër të përzgjedhjes së kujdesshme dhe studimit permanent të tregut, ka menduar të sjellë produkte për një target njerëzish të veçantë të cilët janë intolerantë ndaj disa përbërësve ushqimorë, që kanë patologji të ndryshme, por edhe për ata që duan të ruajnë linjat, një ide që ngjan shumë avangarde, por që ka rezultuar e suksesshme dhe e përkrahur masivisht që në nisje të saj.